„Nýleg aðgerð konungsins vegna góðkynja blöðruhálskirtilsstækkunar leiddi frekara í ljós. Sýni sem send voru í greiningu hafa leitt í ljós krabbamein.“
Það kom hvorki fram af hvaða tegund krabbameinið er né á hvaða stigi.
„Hans hátign hefur í dag hafið áætlun um reglubundnar meðferðir, á þeim tíma hefur honum verið ráðlagt af læknum að fresta þeim störfum sem snúa að almenningi.“
Katrín hertogaynja, eiginkona Vilhjálms Bretaprins, er einnig að glíma við veikindi. Rúm vika er síðan hún var útskrifuð af einkarekinni heilsugæslustöð í Lundúnum. Í tilkynningu frá Kensingtonhöll kom fram að Katrín myndi ekki snúa aftur til konunglegra starfa fyrr en eftir páska.
Vilhjálmur Bretaprins rauf þögnina um veikindi eiginkonu sinnar og föður síns á góðgerðakvöldi í Lundúnum í gær.
„Ég vil nýta tækifærið til að þakka ykkur fyrir að senda bæði Katrínu og föður mínum falleg skilaboð, sérstaklega síðustu daga. Okkur þykir mjög vænt um það,“ sagði hann og bætti svo við í gríni:
„Það er óhætt að segja að síðustu vikur hafa snúist um læknisheimsóknir og öllu því tengdu, þannig mér datt í hug að koma á viðburð fyrir sjúkraflug til að hugsa um eitthvað annað!“
Sjá einnig: Harry dreif sig á fund Karls konungs en mátti svo dúsa á hóteli
