Bigi Jackson, sem var kallaður Blanket þegar hann var yngri, heldur sig venjulega frá sviðsljósinu eins og eldri bróðir sinn, Prince Jackson, 27 ára.
Það er því sjaldséð sjón að sjá myndir af þeim á samfélagsmiðlum, sérstaklega Bigi sem birti síðast mynd á Instagram árið 2018. Bróðir hans Prince er aðeins duglegri að deila efni á miðlinum og mæta á viðburði með systur þeirra, Paris Jackson, 25 ára.
Bigi Jackson varð 21 árs þann 21. febrúar. Hann fagnaði ekki aðeins hækkandi aldri en á dögunum vann hann fyrstu kvikmyndaverðlaunin sín.
Stuttmynd hans, Rochelles, var valin besta dramamyndin á Santa Monica kvikmyndahátíðinni.
Prince birti mynd af bróður sínum og óskaði honum innilega til hamingju með árangurinn og afmælið.
„Bróðir minn er að rústa þessu! Eltir drauma sína og vinnur til verðlauna. Til hamingju með afmælið!“
Michael Jackson átti Prince með fyrrverandi eiginkonu sinni og söngkonunni Debbie Rowe. Hann eignaðist Bigi með aðstoð staðgöngumóður.
Bigi var nefndur Prince Michael II en fékk viðurnefnið Blanket fyrir þær sakir að faðir hans hélt honum fram af handriði á hótelsvölum í Berlín þegar hann var nýfæddur. Þegar hann danglaði fram af svölunum var andlit hans hulið með teppi. Michael hans baðst seinna afsökunar á athæfinu og sagðist aldrei skaða börn sín viljandi.