Aðdáendur raunveruleikastjörnunnar Kim Kardashian gáfu henni engin grið eftir að Kim setti „óhreina“ Hermès tösku á endursölusíðu fjölskyldu sinnar og vildi fá 70 þúsund dali fyrir töskuna eða um 9,6 milljónir króna.

Það er ekki á allra færi að eignast Birkin töskurnar, sem eru bæði rándýrar og löng bið eftir, en þessi er sjaldgæf útgáfa. Í lýsingu á handtöskunni á síðunni kom fram að það væri „einhver mislitun á handföngum og hornum að neðan, og lítilsháttar rispur á málmi.“

Notendur á Reddit furðuðu sig á háu verði þegar augljóst væri að handföng töskunnar væru að verða brún.

„Í alvöru, hversu örvæntingarfull er hún eftir peningum? Og hvers vegna finnst engum skrítið að þessir „milljarðamæringar“ séu að selja notuð föt sín?“

„70 þúsund fyrir óhreinan poka, helvíti! sagði annar. „Þetta er svo vandræðalegt. Af hverju fær hún Hermes ekki til að lagfæra töskuna áður en hún selur hana?“

Ný samsvarandi taska og í sömu stærð kostar um 121 þúsund dali.

Fyrr í þessum mánuði skráði Kim þrjár aðrar Birkin töskur til sölu ásamt nokkrum Louis Vuitton töskum og hlutum frá Chanel.