fbpx
Fimmtudagur 30.janúar 2025
Fókus

Ragnhildur segir valdeflandi að setja erfiðum fjölskyldumeðlimum skýr mörk

Ragna Gestsdóttir
Föstudaginn 6. desember 2024 18:30

Ekki missa af Helstu tíðindum dagsins í pósthólfið þitt

Lesa nánar

Ragnhildur Þórðardóttir, Ragga nagli, fjallar um mörk í samskiptum í nýjustu færslu á Facebook-síðu sinni.  Þar segir hún fátt meira valdeflandi en að setja erfiðum fjölskyldumeðlimum skýr mörk.

„Mörk eru ekki bara að segja NEI. Mörk eru væntingar og leiðbeiningar um framkomu og hegðun frá öðrum svo við upplifum öryggi í sambandinu.

Fátt er meira valdeflandi en að setja erfiðum fjölskyldumeðlimum skýr mörk.

Nú þegar jólaboðin hrannast upp í desembermánuði eru mörg með svita á augnlokum og grjóthnullung í maga yfir að hitta ákveðna fjölskyldumeðlimi.

Sumir svitna á rasskinnunum við tilhugsunina að setja fjölskyldumeðlimum mörk.

Finnst dónalegt og ruddalegt að stama út úm túlann staðföstum skilaboðum um hvaða hegðun sé í boði.“

Mynd: Ragga nagli

Ragga segir fjölskyldur hafa sinn eigin óskrifaða sáttmála um aðgengi, umgengni og samskipti. Það er ákveðið kerfi í gangi og hver og einn á að leika sitt hlutverk.

„Það eru væntingar um viðbrögð og framkomu frá hvort öðru. Þó sama blóð streymi um æðarnar þá hafa fjölskyldumeðlimir ekki rétt á svívirðingum og eitraðri framkomu.

Þegar þú finnur innri styrk og staðfestu til að brjóta upp mynstrið þá krullast efri varir og kreppast tær í níðþröngum lakkskóm.

Þú skapar fjarlægð við fólk sem sýnir endurtekna vanvirðingu og frekju.

Þú lætur ekki stýra þér með alls konar klækjabrögðum

Þú lætur ekki samviskubitsvæða þig í að gera hluti fyrir fólk.

Þú hefur skrúbbað manneskjugeðjun úr þér með klór og bleikiefni.

Þú ert kominn með upp í kok af því að „halda friðinn“

Þér er drull þó þessi eða hin eitraða manneskja sé fjölskyldan þín.

Mörk eru sjálfsrækt sem verndar tilfinningalega, líkamlega og andlega heilsu. Og virðing við sjálfan þig. Mörk eru æðsta form sjálfsvirðingar.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fókus
Í gær

Stórstjarnan lækkaði verðið og seldi loksins villuna

Stórstjarnan lækkaði verðið og seldi loksins villuna
Fókus
Í gær

Sara vill frekar sjá fólk undir áhrifum MDMA í miðbænum en áfengis – „Þá væru ekki hnífsstungur eða líkamsárásir“

Sara vill frekar sjá fólk undir áhrifum MDMA í miðbænum en áfengis – „Þá væru ekki hnífsstungur eða líkamsárásir“
Fókus
Fyrir 3 dögum

Svala Björgvins nældi sér í Skagamann

Svala Björgvins nældi sér í Skagamann
Fókus
Fyrir 3 dögum

Tímavélin: Ferðir Íslendinga til Tenerife eru engin nýmæli – „Reyndist sá grunur minn réttur að þar væru landar mínir og ferðafélagar“

Tímavélin: Ferðir Íslendinga til Tenerife eru engin nýmæli – „Reyndist sá grunur minn réttur að þar væru landar mínir og ferðafélagar“