Jabra Evolve2 85 er lang mest selda heyrnartólið fyrir skrifstofufólk á árinu 2024 hjá OK (Opnum kerfum).
,,Helsta skýringin á vinsældum Jabra Evolve2 85 er að þau búa yfir öflugri hljóðeinangrun og skila skýru hljóði fyrir starfsfólk sem sinnir símtölum og fjarfundum í opnu vinnurými. Tækið býr yfir 10 hljóðnemum, sem tryggja að samtal notanda berist aðeins yfir til viðmælenda en annar umhverfishávaða er síaður út,“ segir Þórunn Þorbjörnsdóttir verslunarstjóri ok.is.
„Heyrnartólin hafa einnig skorað hátt hjá þeim sem þurfa þau aðeins fyrir hljóðeinangrun og tónlistarflutning á skrifstofu. Þá búa þau yfir öflugri rafhlöðuendingu, eða allt 30 klst í tali og 37 klst fyrir tónlist,“ segir Þórunn.
Hún segir að Jabra kippi líka í kynið hvað hönnun varðar. „Jabra er dönsk framleiðsla og Danir eru nú þekktir fyrir glæsilega hönnun. Jabra er þar engin undantekning. Við finnum að margir horfa í slíkt þegar þeir velja sér heyrnartól og þeim finnst gott að vita að Jabra gefur engan afslátt á hönnun heyrnartóla.“
Þórunn segir að það sem er handan við hornið hvað heyrnartól varðar sé aukin áhersla á gervigreind í takt við annan tölvubúnað, enn öflugri hljóðeinangrun og ekki síst áhersla á sjálfbærni. ,,Við munum sjá þessa þrjá þætti vaxa á næsta ári, ekki síst er eftirspurn eftir framleiðendum sem leggja mikla áherslu á sjálfbærni í sinni framleiðslu. Má þar nefna umbúðir sem hægt er að endurnýta og endurunnið plast sem dæmi.“
