Friðrik Már Sigurðsson, Hannes Gústafsson og Theodór Sigurbjörnsson sem starfa sem dúkarar hjá fyrirtækinu H Harði í Vestmannaeyjum hafa vakið athygli fyrir ábreiður sínar á samfélagsmiðlum.

Sjá einnig: Söngelskir dúkarar í Eyjum slá í gegn – „Það allra besta á internetinu í dag!!“

Strákarnir kalla sig GlacierGuys og vinna þeir nú að jólalagi sem kemur út á föstudag til styrktar Hjálparstarfi kirkjunnar.

„Það má ekki „tísa“ það en við erum búnir að ákveða lagið,“ sagði Hannes í spjalli við Ísland vaknar í gær. „Við ætlum að reyna að safna sem mestum peningum svo allir eigi til hnífs og skeiðar um jólin. Þegar við hendum út laginu á föstudag þá viljum við vera með tölu sem við getum styrkt kirkjuna með. Gerum Ísland að happy place og gefa vel af sér. Þetta snýst um það. Hjálpast að.“ 

Strákarnir hafa verið á ferðinni að heimsækja fyrirtæki og hvetja fólk til að styrkja málefnið fyrir föstudag. Þeir sem hafa tök á því geta lagt inn á neðangreindan reikning:

Kennitala: 130970-4789
Reikningsnúmer: 0582-15-45330

Hlusta má á viðtalið í heild sinni hér.

Glacierguys birta myndbönd sín á Facebook-síðu Friðriks Más Sigurðssonar.