Spákonan Ellý Ármannsdóttir er gestur í áramótaþætti Fókus. Hún spáir fyrir mörgum þekktum andlitum sem voru til umræðu á nýliðinu ári, meðal annars fyrrverandi forsetahjónunum Guðna Th. Jóhannessyni og Elizu Reid.

Ellý spáir fyrir hjónunum í spilaranum hér að neðan. Brotið er hluti af nýjasta þætti af Fókus sem má horfa á hér eða hlusta á Spotify.

Hvernig sérðu næsta ár hjá þeim?

„Þetta er hjartans mál. Þetta er eitthvað sem er í hjarta þeirra. Þau eru á sitthvorri tíðni, tíðni er orka,“ segir Ellý og útskýrir nánar.

„Hún er, segjum kannski, á B-tíðni og Guðni er á A-tíðni, enginn er betri en annar. Hún fékk eitthvað tækifæri í hendurnar og nú eru þau einhvern veginn að fara í sitthvora áttina. Ég veit ekkert um einhverjar sögur en ég veit að þau eru alltaf tengd í hjarta. Börnin þeirra og þau, en ég veit að hún er að fá eitthvað nýtt hlutverk en ég sé ekki nákvæmlega hvað það er. Hún stendur sig vel í því. En það er verið að sýna að þau eru á sitthvorri tíðninni.“

Ellý sýnir tarot spilin og hvernig hjónin eru á mismunandi tíðni samkvæmt þeim.

„Það er bara hið besta mál og það er allt í lagi að fara í sitthvora áttina og allir eru vinir,“ segir hún og bætir við: „Ég held þau búi ekki í sama landi [á næsta ári].“

Horfðu á áramótaþáttinn hér eða hlustaðu á Spotify.