Klæðnaður nýju ráðherranna við stjórnarskiptin í gær var tekinn út á Smartlandi Mörtu Maríu Jónadóttur á mbl.is.

Í pistli sínum lýsir Marta yfir hrifningu á kjól sem Kristrún Frostadóttir, nýr forsætisráðherra, klæddist í gær. „Kristrún klæddi sig upp á í til­efni dags­ins og skartaði 144.000 króna kjól úr 100% Viscose. Kjóll­inn er frá ít­alska tísku­merk­inu MSGM sem er vandað og vel saumað og býður oft­ar en ekki upp á klæðileg snið.“

Marta minnist einnig á klæðaburð Ölmu Möller og Þorbjargar Sigríðar Gunnlaugsdóttur og gefur þeim góða umsögn.

En síðan er röðin komin að klæðnaði Ingu Sæland, sem tekur nú við embætti félags- og húsnæðismálaráðherra. Marta gagnrýnir sérstaklega skóval Ingu harðlega og lætur hana heyra það:

„Næsta verk Ingu Sæ­land er að fá sér stíl­ista. Á meðfylgj­andi ljós­mynd­um sést hún í svört­um skóm sem ná upp að ökkla og er í 40 den sokka­bux­um við. Slík­ir skór ganga ekki við pils eða kjóla og alls ekki þegar fólk tek­ur við ráðherra­embætti. Þótt það sé nap­urt á Álfta­nesi eins og var í gær þá mega slík­ar boms­ur alls ekki sjást á tröpp­um Bessastaða. Fólk not­ar ökla­skó við síðbux­ur og helst við hvers­dags­leg­ar at­hafn­ir. Betra hefði verið að klæðast hefðbundn­um spari­skóm með nokk­urra sentí­metra háum hæl. Skórn­ir frá Tam­ar­is hefðu til dæm­is átt vel, þægi­leg­ir en samt pen­ir. 

Fólk í ráðherra­embætt­um þarf að klæða sig á viðeig­andi hátt. Það má al­veg minna á að starf­inu fylg­ir vald og ákveðin virðing og þarf slíkt að end­ur­spegl­ast í fata­vali, förðun og hár­greiðslu.“