„Ég er að íhuga að verða klámstjarna á síðunni sem kærastinn minn skoðar, til að bæta kynlífið okkar.“

Svona hefst bréf konu til sambands- og kynlífsráðgjafa The Sun, Sally Land, sem skrifar vinsæla dálkinn Dear Deidre.

Hún útskýrir mál sitt nánar. „Hann gefur mér engan gaum þessa dagana en er alltaf að veita sjálfum sér ánægju.“

Konan og kærasti hennar eru bæði 25 ára og hafa verið saman í tvö ár.

„Kynlífið okkar var frábært þegar við byrjuðum saman, en hann hefur þróað með sér klámfíkn og þegar ég segist vilja stunda kynlíf segist hann vera of þreyttur.

Hann segist ætla að hætta að horfa á klám en ekkert breytist.

Ég hef fengið að heyra að ég sé sæt. Ég er hávaxin með stór brjóst og lítið mitti. Þessar klámstjörnur eiga ekki roð í mig.

Ég hef verið að hugsa, ef hann myndi sjá mig á þessari klámsíðu, myndi hann hafa aftur áhuga á mér?“

Ráðgjafinn svarar:

„Þú þarft að færa miklar fórnir þegar þú byrjar í klámiðnaðinum og gætir jafnvel aldrei jafnað þig.

Um leið og myndefni af þér fer í dreifingu þá gætir þú misst stjórn á því. Viltu í alvöru að fjölskylda þín sjái þig á þennan hátt, bara fyrir einhvern karlmann sem sýnir þér lítinn áhuga?

Klámfíkn hans hefur ekkert með þig að gera. Klám er hannað til að vera ávanabindandi.

Hann þarf á faglegri aðstoð að halda. Ef þú elskar hann þá skaltu gefa honum tækifæri til að breytast, en ef hann heldur áfram að velja skjáinn fram yfir þig þá er kominn tími til að ganga í burtu áður en hann gengur alveg frá sjálfstrausti þínu.“