Hann hrapaði til bana af svölum hótelherbergis síns í Buenos Aires. Samkvæmt starfsmönnum hótelsins, Casa Sur Hotel, hagaði Payne sér einkennilega áður en hann lést, hann var æstur og óútreiknanlegur og var fylgt að herbergi sínu af starfsfólki. Skömmu síðar fannst hann látinn.
Sjá einnig: Varpa ljósi á síðustu augnablik Liam Payne – Pantaði vændiskonur og fíkniefni
Nú hafa nýjar upplýsingar komið fram um andlát hans. Vitni að andláti hans hefur stigið fram og lýst því sem það sá.
„Ég var að hitta brúðkaupsráðgjafa okkar,“ sagði Bret Watson í þættinum TMZ Presents: Liam Payne: Who‘s to Blame?
„Við vorum í hótelherberginu okkar og vorum að horfa út um gluggann á sundlaugarsvæðið, ég var að sýna henni útsýnið og við sáum Liam detta.
Við fórum rakleitt út á svalir og þegar við horfðum niður sáum við Liam liggjandi á jörðinni. Hann lenti með andlitið upp þannig það við sáum strax að þetta var Liam og hann var hreyfingarlaus.“
Sjá einnig:Myndir af hótelherbergi Liam Payne veita óhugnanlega innsýn í síðustu augnablik söngvarans
Watson, sem sagðist hafa verið á fyrstu hæð hótelsins þegar þetta gerðist, sagðist ekki geta gleymt hljóðinu þegar Liam féll.
„Það er skelfilegt að sjá einhvern detta svona, en að sjá það gerast og heyra síðan hljóðið við lendingu, það var hryllilegt. Síðan að sjá allt sem gerðist í kjölfarið. Þetta er eitthvað sem ég mun aldrei gleyma.“
Watson, sem ræðir þetta nánar í spilaranum hér að neðan, sagði að hann sé enn að vinna úr þessu öllu saman. Viðtalið hefur vakið hörð viðbrögð hjá aðdáendum Payne og telja margir Watson vera að ýkja það sem hann sá.
@tmz As part of TMZ’s riveting new special, an eyewitness shares a never-before-heard firsthand account of #LiamPayne’s ♬ original sound – TMZ
Sjá einnig: Ein af þeim síðustu sem sá Liam Payne lifandi deilir því sem hann sagði rétt áður en hann lést
