Konan leitaði ráða til sambands- og kynlífsráðgjafa The Sun, Sally Land. Konan er 32 ára og eiginmaður hennar er 35 ára. Þau voru saman í þrjú ár áður en þau gengu í það heilaga.
„Svaramaðurinn í brúðkaupinu okkar varð svo drukkinn að hann sagði mér að eiginmaður minn hefur haldið framhjá mér þrisvar sinnum síðan við trúlofuðumst fyrir hálfu ári,“ segir konan.
„Hann hélt síðast framhjá mér í steggjuninni með vændiskonu, einni viku áður en við giftum okkur. Mér finnst ég niðurlægð og ég veit ekki hvort ég geti nokkurn tíma treyst honum aftur.“
Konan komst að sannleikanum í brúðkaupinu sjálfu.
„Ég var að hjálpa vini hans, svaramanninum, sem var dauðadrukkinn. Ég og vinkona mín vorum að hjálpa honum í herbergið sitt og hann fór að tala um hversu yndisleg ég er og að eiginmaður minn verðskuldaði mig ekki. Hann taldi síðan upp þrjár konur sem eiginmaður minn hefur sofið hjá á meðan við vorum saman: Eitt skyndikynni, svo svaf hann hjá samstarfskonu og síðan vændiskonu.
Ég talaði við nýbakaða eiginmann minn um þetta og hann baðst afsökunar og virtist telja málið afgreitt.
Hann sagði að ég þyrfti ekki að hafa áhyggjur af skyndikynnunum því „það skipti engu máli.“ Og hann svaf bara hjá samstarfskonunni því hann var að „hugga hana“ því kærasti hennar var að vera tregur að biðja hennar. Með vændiskonuna þá var hann bara að „hafa gaman í steggjunninni.“
Hann hefur sótt um nýja vinnu og lokað á öll samskipti við samstarfskonuna. Hann segist sjá eftir öllu, en ég á erfitt með þetta allt saman, að hann hafi sofið hjá þremur mismunandi konum svona stuttu fyrir brúðkaupið okkar.“
„Það er ekki furða að þér líði öðruvísi gagnvart honum. Hjónabandið ykkar hefði ekki getað byrjað verr.
Sum pör geta haldið áfram eftir framhjáhald, en eiginmaður þinn virðist ekki taka neina ábyrgð. Ekki nema hann breyti viðhorfinu sínu alveg svakalega, þá er ég hrædd um að hjónaband ykkar sé dauðadæmt.
Hann ætti að vera að leggja sig fram við að vinna traust þitt á ný. Ég er ekki viss að einhver sem er svo slakur varðandi hjónaband sitt geti breyst.“
