Tónlistarmennirnir Eyþór Ingi Gunnlaugsson, Friðrik Ómar Hjörleifsson og Jógvan Hansen verða önnum kafnir eins og fleiri í þeirra bransa fyrir jólin. Kapparnir halda fjölda tónleika í Hörpu og Hofi og er uppselt á þá flesta.
Í myndbandi sem Vitringarnir þrír eins og þeir kalla sig deildu í gær segja þeir frá því að veitingastaðurinn La Primavera í Hörpu er búinn að setja saman sérstakan þriggja rétta matseðil sem er bæði á íslensku og færeysku.
Friðrik Ómar spyr Jógvan hvað er á seðlinum:
„Sterkkryddaða goggusúpu, það er forréttur,“ svarar Jógvan, Aðalréttur er svo „grilluð neytalund við mjúkar plentur.“ En það er eftirrétturinn sem fékk þá Eyþór Inga og Friðrik Ómar til að veltast um af hlátri. „Karamellutússa við létt….“
„Veistu það jólin eru ekki komin fyrr en ég fæ karamellutussuna mína,“ segir Friðrik Ómar.
View this post on Instagram
Blaðamaðurinn kann ekki færeysku og Google var ekkert að gefa upp svar við hvað væri á matseðlinum. Ákvað hann því að spyrja Jógvan sjálfan sem varð leyndardómsfullur um leið:
„Ég mun aldrei segja,“ svaraði Jógvan og hló. „Þú verður bara að fara í færeyskunám.“
Þannig að hvar lærir maður færeysku?
