Í mörg ár hafa aðdáendur haldið að myndin hafi verið tekin árið 2001, þegar Kidman var nýbúin að skrifa undir skilnaðarpappíra og á leið frá lögfræðingnum sínum. Á myndinni virðist leikkonan vera á toppi tilverunnar, hæstánægð með að vera skilin við Tom Cruise. Þau voru gift frá 1990 til 2001.
Myndin er vel þekkt jarm (e. meme) í netheimum og uppáhald margra. En nú segir Kidman söguna ekki sanna og að myndin hafi verið tekin úr samhengi.
„Þetta er úr kvikmynd sem ég lék í, ekki í alvörunni,“ sagði hún í samtali við bresku útgáfu GQ.
En aðdáendur eru ekki svo vissir um að hún sé að segja satt.
„Hún sagði ekki hvaða kvikmynd og enginn af mörgum aðdáendum hennar getur nefnt myndina, þannig ég held að hún sé að ljúga og þetta er í alvöru fagnaðarmynd eftir skilnaðinn,“ sagði einn netverji.
