Carpenter og fólk á hennar vegum fóru þess á leit að fá að taka upp tónlistarmyndband í kirkjunni, Our Lady of Mount Carmel Church, og varð Jamie við þeirri beiðni. Þetta átti sér stað í október í fyrra og var myndbandið við lagið Feather.
Í frétt BBC kemur fram að Rómversk kaþólska kirkjan í Brooklyn hafi litið málið alvarlegum augum, enda þótti myndbandið býsna ögrandi. Sést Sabrina meðal annars dansa við altarið í svörtu stuttu pilsi.
Víðtækari rannsókn hófst á störfum prestsins í kjölfarið og kom þá í ljós að hann hafði notað kreditkort kirkjunnar í eigin þágu. Á árunum 2019 til 2021 hafi hann einnig millifært fjármuni úr sjóðum kirkjunnar á fyrrverandi starfsmann Eric Adams, borgarstjóra New York-borgar.
Gigantiello hefur látið hafa eftir sér að hann hafi sýnt dómgreindarbrest þegar hann leyfði Carpenter að taka upp myndbandið í kirkjunni. Hann hefur ekki svarað opinberlega fyrir óleyfilega meðferð á fjármunum kirkjunnar en gæti þurft að gera það fyrir dómstólum.
