Í bókinni opnar hún sig um hjónaband hennar og Sonny Bono. Þau voru gift frá 1964 til 1975 og áttu soninn Chaz Bono.
Cher segir að hún hafi verið svo örvæntingarfull vegna hjónabandsins að hún hafi íhugað að kasta sér fram af svölum hótelherbergis í Las Vegas. Hún segir að hún hafi farið út á svalirnar fimm eða sex sinnum í þeim tilgangi, en alltaf hætt við. Í síðasta skipti sem hún gerði það segist hún hafa áttað sig á að hún gæti skilið við Sonny í staðinn.
Á þessum tíma var Cher 26 ára gömul og aðeins 45 kíló. Heilsa hennar var slæm en hún segir Sonny hafa látið hana vinna svo mikið og aðstæður hafi verið svo stressandi að hún léttist og léttist.
Hún var örmagna af þreytu þegar Sonny sagðist hafa skrifað undir nýjan samning fyrir þau að koma fram í Vegas á hverju sumri. Þau voru á þeim tíma líka að taka upp vinsæla þáttinn „The Sonny and Cher Comedy Hour“ og ala upp barn.
Cher fékk ekki að tala við aðra meðlimi hljómsveitarinnar. Hann bannaði henni meira að segja að mæta í Tupperware kynningu heima hjá eiginkonu Brian Wilson. Hjónin hættu að mæta í matarboð, tónleika og í bíó. Sonny var svo afbrýðissamur að hann kveikti í tennis fötum hennar.
Söngkonan segir nánar frá því í bókinni hvernig henni tókst að segja skilið við Sonny og áfallið þegar hún komst að því að hann hafi svindlað á henni. Við nánari athugun á samningum sem Sonny lét Cher skrifa undir, komst hún að því að hún væri starfsmaður fyrirtækis sem kallaðist Cher Enterprises, og var á skelfilegum launum.
„Ég var búin að vinna alla mína ævi en hafði ekkert til að sýna fyrir það. Mér datt aldrei í hug að ég þyrfti að passa mig á Sonny, en allir þessir samningar sem hann lét mig skrifa undir voru þess gerðir til að drýgja tekjur mínar og réttindi,“ skrifar Cher í sjálfsævisögunni.
„Ég hef hugsað um þetta í mörg ár, hvernig hann gat gert það sem hann gerði mér, og ég hef ekki enn komist yfir þessi svik.“
