FKA Viðurkenningarhátíðin er haldin árlega við hátíðlega athöfn þar sem konur úr atvinnulífinu eru heiðraðar. Að vanda verða veittar viðurkenningar á hátíðinni til þriggja kvenna sem hafa verið konum í atvinnulífinu hvatning og fyrirmynd. 

Dómnefnd skipuð sjö aðilum fer yfir allar tilnefningar og verða úrslit kynnt á FKA viurkenningarhátíðinni þann 29. janúar 2025 á Hótel Reykjavík Grand.  

Formaður dómnefndar er stjórnarkona FKA Guðlaug Hrönn Jóhannsdóttir eigandi Synia og hugbúnaðarfyrirtækisins GET Ráðgjöf.  

Í dómnefnd með Guðlaugu Hrönn eru í stafrófsröð: 

Ásgeir Ingi Valtýsson markaðsséní og einn stofnanda Popp Up. 

Edythe Mangindin ljósmóðir og doktorsnemi, Fæðingarheimili Reykjavíkur.  

Hildur Petersen athafnakona sem sat í fyrstu stjórn FKA og er Þakkarviðurkenningarhafi FKA 2018. 

Jón Björnsson forstjóri Veritas og stjórnarmaður Boozt og Dropp. 

Kristján Kristjánsson fjölmiðlamaður og ráðgjafi, stýrir m.a. Sprengisandi á Bylgjunni.  

Rósa Kristinsdóttir sérfræðingur hjá VEX framtakssjóði, meðstofnandi Fortuna Invest. 

Hvaða kona/konur ættu að þínu mati að fá viðurkenningar FKA? 

FKA kallar eftir tilnefningum frá almenningi, atvinnulífinu og hægt er að tilnefna konur í einum flokki eða öllum til og með 21. nóvember nk. Konurnar sem tilnefndar eru þurfa ekki að vera félagskonur FKA heldur hvaðan sem er úr samfélaginu. Tilnefna má konur hér.

Dómnefnd mun meta og á endanum velja konur sem hljóta FKA þakkarviðurkenningu, FKA viðurkenningu og FKA hvatningarviðurkenningu.