Konan sagði sögu sína á TikTok. Myndbandið hefur vakið gríðarlega athygli og hefur fengið yfir 5,4 milljónir áhorfa þegar greinin er skrifuð.
@thereiscathairinmyweed #fyp #cheatinghusband #cheater #cheatersgettingcaught ♬ original sound – Mk M
„Ég greip eiginmann minn glóðvolgan á meðan ég var í eldhúsinu að elda kvöldmat. Hann fór, hann pakkaði nánast öllu dótinu sínu. Ég henti fullt af drasli, dóti sem við áttum saman, brúðkaupsvöndurinn minn er þarna í ruslinu,“ sagði hún og bætti við að þetta hafi komið henni í opna skjöldu.
„Ég bjóst aldrei við því að hann myndi vera þessi gaur, því hann var svo indæll og ljúfur og umhyggjusamur og gerði alltaf allt fyrir mig. En dömur… þó þið haldið að hann sé ekki þessi týpa, þá getur hann vel verið þessi týpa.“
Þau fögnuðu nýlega tveggja ára hjónabandsafmæli. „Ég veit ekki hvað ég á að gera, ég er í áfalli,“ sagði hún.
@thereiscathairinmyweed #CapCut #cheatinghusband #fyp #cheater #cheatersgettingcaught ♬ original sound – Mk M
Konan hefur ekki sagt frá því hvernig hún greip hann glóðvolgan halda framhjá. Netverjar bíða spenntir og hefur hún sagst ætla að deila sögunni þegar hún er á betri stað andlega.
Hún hefur þó uppfært aðeins eigin aðstæður. Hún er að sækja um skilnað og hann er fluttur út.
Hún hefur einnig fengið skilaboð frá konu sem sagði atvikið á sunnudaginn ekki vera eindæmi, að hann hafi verið löngu byrjaður að halda framhjá henni, meira að segja áður en þau giftust.
Konan sagði svona skilaboð ekki hjálpa, það eina sem þau gera eru að særa hana. Hún sagðist einnig ekki skilja af hverju þessi kona hafi ekki sagt eitthvað fyrr, eins og áður en hún giftist honum og eyddi tveimur árum með honum til viðbótar.
