Veðrið lék ferðamenn grátt sem ætluðu að njóta í Sky Lagoon fyrr í vikunni.

TikTok-notandinn Niknonkk birti myndband á miðlinum frá heimsókn sinni í laugina. Það var aldeilis hvassviðri eins og má sjá hér að neðan. Það voru öldur í lauginni og reyndu gestir að skýla sér fyrir vindinum.

@niknonkontiktok Yeah no worries we didnt want to relax anyway #skylagoon #iceland ♬ Titanic flute fail – kate dwyer

Einn netverji skrifaði við myndbandið: „Þess vegna áttu að skoða veðurspána áður en þú ferð.“

Niknonkk svaraði og sagði þetta heimskulega athugasemd. Hún benti á að þessi ferð hafi verið bókuð fyrir mörgum mánuðum og að hún ætti frekar að fá hrós fyrir að hafa gert það besta úr óheppilegum aðstæðum.

Annar gestur Sky Lagoon þennan dag skrifaði við myndbandið: „Ég er svo ánægð að einhver hafi náð þessu á myndband, þetta var samt alveg frábært en ég hef verið svona harkalega regnbarin áður, ég er enn heyrnarlaus,“ sagði hún.

Niknonkk svaraði: „Omg, ég veit! Þetta var líkamlega sárt.“