Leiðir Jackman og Furness skildu í september í fyrra eftir 27 ára hjónaband.
Í lok október síðastliðnum var greint frá því að Sutton Foster hafði sótt um skilnað frá eiginmanni sínum, handritshöfundinum Ted Griffin, eftir tíu ára hjónaband.
Sagt var að hún væri að slá sér upp með Jackman, en þau léku bæði í Broadway-sýningunni The Music Man, frá desember 2021 til janúar 2023.
Jackman og Foster hafa hvorki staðfest né neitað að þau séu saman. In Touch greindi fyrst frá því að þau væru saman. Miðillinn sagði sambandið ekki vera nýtt og að það væri „opið leyndarmál á Broadway.“ Orðrómurinn varð háværari eftir að Jackman og Furness skildu í september 2023. Í desember 2023 komu fyrstu sögusagnir um samband Jackman og Foster. En næsta árið voru litlar fregnir þar til Foster sótti um skilnað frá eiginmanni sínum í október 2024. Þá fór slúðurmyllan á fullt og hafa margir aðdáendur velt tímalínunni fyrir sér, hvort sambandið þeirra hafi byrjað áður en leiðir þeirra skildu við fyrrverandi maka.
Hingað til hefur Deborra-Lee Furness, fyrrverandi Jackman, ekki tjáð sig um málið en nú hefur vinkona hennar stigið fram og staðfest að það hafi vissulega verið framhjáhald og að Furness hafi vitað af því.
Breska leikkonan og ljósmyndarinn Amanda de Cadenet, vinkona Furness, virtist staðfesta orðróminn í athugasemdakerfi við myndband slúðurbloggarans Tasha Lustig.
Lustig birti myndband á Instagram þar sem hún hélt því fram að Jackman hafi farið frá eiginkonu sinni fyrir Foster, eftir að hafa orðið ástfanginn af Foster við uppsetningu The Music Man.
Prófaðu að endurhlaða síðuna ef þú sérð ekki færsluna hér að neðan.
View this post on Instagram
„Þú ert alveg með þetta á hreinu,“ skrifaði Cadenet, vinkona Furness, við myndbandið. „Mín elskulega vinkona, Deb, er að fara að skína bjartar, bara svo þið vitið.“
Hvorki Jackman né Foster hafa tjáð sig um málið.
