Brady á soninn Jack, 17 ára, með leikkonunni Bridget Moynahan, og soninn Benjamin, 14 ára, og dótturina Vivian, 11 ára, með fyrrverandi eiginkonu sinni, fyrirsætunni Gisele Bündchen.
„Að vera foreldri er örugglega erfiðasta starf okkar allra,“ sagði Brady á viðburði Fortune Global Forum í New York í gær. „Og við klúðruðum miklu, og ég hef klúðrað miklu sem foreldri.“
Brady, 47 ára, sagðist ekki vilja líta út sem einhver „uppeldissérfræðingur“ en þegar kemur að börnum hans reynir hann að gera allt sem hann getur til að vera til staðar fyrir þau.
Hann sagðist ævinlega þakklátur sínum foreldrum, Galynn og Thomas Brady, sem stóðu alltaf við bak hans og voru alltaf tilbúin að styðja hann, sama hvað.
Brady sagðist ætla að feta í þeirra fótspor og styðja drauma barna sinna. Eins og sonur hans, Jack, vill verða NBA-leikmaður, þrátt fyrir að hoppa ekki hátt, að sögn Brady.
„En ég segi við hann: Gaur, þú átt eftir að vera svakalegur. Bíddu þar til þú stækkar, þú átt eftir að hoppa hærra, þú átt eftir að troða boltanum ofan í körfuna.“
