Birna Ólafsdóttir, eiginkona fanga, er gestur í Fullorðins, en þátturinn birtist fyrr í dag á hlaðvarpsveitunni Brotkast.

Maður Birnu var dæmdur í tíu ára fangelsi í fyrra. Birna á fjögur börn og fjögur stjúpbörn, þau elstu eru uppkomin en það yngsta er á fyrsta stigi grunnskóla.

Birna hefur síðastliðið ár barist fyrir bættri aðstöðu fanga og heimsóknaraðstöðu fyrir aðstandendur þeirra.

Í Fullorðins segir hún að fyrst þegar hún heimsótti eiginmann sinn í fangelsi hafi sjálfsvirðingin minnkað.

„Þetta er náttúrulega eins og maður sé að mæta á hóruhús. Það er þannig á Hrauninu. Þá kemur þú í heimsókn og ferð inn í lítið herbergi og heyrir í öllum stunda sitt kynlíf og hafa gaman,“ segir hún.

„Að mæta í heimsókn á Hraunið, þá minnkar sjálfsvirðingin þín.“ Hún segir þetta hafa tekið á og verið erfitt.

Stærri herbergi

Birna segir að sem betur fer sé komin ný heimsóknarálma. „Sem eru reyndar gámar en þeir eru snyrtilegir,“ segir hún og bætir við að herbergin séu mun stærri.

Hún segist einnig upplifa sig mikið frjálsari núna þegar hún heimsækir manninn sinn á Sogni.

Birna ræðir heimsóknir hennar og barnanna nánar í spilaranum hér að neðan.