R. Kelly var dæmdur árið 2022 til 30 ára fangelsisvistar fyrir að misnota fjölda ungra kvenna til áratuga. Ellefu af þolendunum hans báru vitni um það ofbeldi sem hann hafði beitt þær, jafnt kynferðislegu, líkamlegu og andlegu.
„Hann var allur heimurinn minn í langan tíma,“ segir Joann í stiklu fyrir heimildarmyndina.
„Ég vildi ekki trúa því að þetta hafi gerst. Ég vissi ekki einu sinni að hann væri slæm manneskja, að hann myndi gera mér eitthvað. Mér líður eins og þessi millisekúnda hafi gjörsamlega breytt lífi mínu,“ sagði hún.
Samkvæmt TVEI mun Joann „segja mjög hugrökk frá hræðilegu leyndarmáli sem eyðilagði æsku hennar.“
Árið 2019 kallaði Joann föður sinn skrímsli eftir að fjöldi kvenna sakaði hann um kynferðisbrot.
„Ég bið fyrir öllum þeim fjölskyldum og þeim konum sem hafa lent í klóm föður míns. Sama skrímslið og þið bendlið við mig er faðir minn. Ég er vel meðvituð um hver hann er,“ sagði hún.
