fbpx
Mánudagur 28.apríl 2025
Fókus

Ógilda tugþúsundir miða á Oasis tónleika næsta sumar – „Svona fer græðgin með mann“

Kristinn H. Guðnason
Þriðjudaginn 29. október 2024 15:30

Oasis eru eftirsóttir. Mynd/Simon Emmett

Ekki missa af Helstu tíðindum dagsins í pósthólfið þitt

Lesa nánar

Tugþúsundir miða á tónleika bresku rokksveitarinnar Oasis verða ógiltir og sitja aðdáendur sem keyptu þá eftir með sárt ennið. Um er að ræða miða sem voru ekki keyptir hjá opinberum miðasölum heldur hjá þeim sem áframselja miða.

Breska blaðið The Mirror greinir frá þessu.

Mikið hefur verið skrifað og skrafað um tónleikaferðalag Oasis næsta sumar. En þetta er í fyrsta skipti í fimmtán ár sem bræðurnir Liam og Noel Gallagher munu sjást saman á sviði. Milljónir aðdáenda hafa slegist um miða og færri komast að en vilja.

Ýmislegt hefur gengið á. Meðal annars bilaði sölukerfið þannig stór hluti aðdáenda átti aldrei möguleika á að fá miða þegar þeir voru settir í sölu. Þá olli verðið ólgu, en það hækkaði í takt við eftirspurn.

50 þúsund miðar ógiltir

Nú eru enn ein vandræðin komin upp því að tónleikahaldararnir sem sjá um tónleikana, Live  Nation og SJM, hafa tilkynnt að miðar sem keyptir hafa verið hjá Viagogo og fleiri síðum sem áframselja tónleikamiða verði ógiltir.

Sjá einnig:

Miðar á Oasis fara í sölu um helgina – Þetta er miðaverðið

Um er að ræða meira en 50 þúsund miða, eða um 4 prósent allra miða. Að sögn tónleikahaldaranna verða miðarnir settir aftur í sölu á opinberum miðasölusíðum.

Að sögn þeirra kemur skýrt fram í skilmálum að ekki megi endurselja miðanna. Ekki gangi að endursölusíður hagnist margfallt á miðunum. Eru aðdáendur almennt varaðir við að kaupa miða af endursölusíðum. Þeir miðar geti verið falsaðir eða þá að þeir verði gerðir ógiltir, eins og í þessu tilviki.

Kjánalegt rugl

Matt Drew, forstjóri Viagogo hefur hins vegar gagnrýnt ákvörðunina harkalega. Sagði hann að aðeins um 2 prósent miða hefðu endað á síðum eins og Viagogo og Stubhub.

„Við munum halda áfram að selja miða eins og reglur segja til um. Við erum að þjónusta viðskiptavini í þörf og við munum hala því áfram,“ sagði Drew.

Þá hafa viðbrögð margra aðdáenda verið blendin. Hafa margir þeirra látið gamminn geisa á samfélagsmiðlum.

„En kjánalegt rugl. Svona fer græðgin með mann,“ sagði einn á samfélagsmiðlinum X. „Þvílíkt vesen til þess eins að sjá tvo miðaldra karla syngja lög sem allir kunna,“ sagði annar.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fókus
Fyrir 2 dögum

Karla Sofía Gascón: „Trans fólk mun aldrei hverfa, sama hversu mikið einhver reynir“

Karla Sofía Gascón: „Trans fólk mun aldrei hverfa, sama hversu mikið einhver reynir“
Fókus
Fyrir 2 dögum

Bókaspjall: Svik og undirferli

Bókaspjall: Svik og undirferli
Fókus
Fyrir 4 dögum

Stefán Einar og Sara Lind hafa ákveðið að skilja

Stefán Einar og Sara Lind hafa ákveðið að skilja
Fókus
Fyrir 4 dögum

Telur að Justin Bieber sé fastur í sértrúarsöfnuði

Telur að Justin Bieber sé fastur í sértrúarsöfnuði
Fókus
Fyrir 5 dögum

Drakk aðeins próteindrykki í 7 daga – Áhrifin komu honum í opna skjöldu

Drakk aðeins próteindrykki í 7 daga – Áhrifin komu honum í opna skjöldu
Fókus
Fyrir 5 dögum

Þórhildur opnar sig um erfið sambandsslit – „Ég var týnd þegar það byrjaði að flosna upp úr sambandinu“

Þórhildur opnar sig um erfið sambandsslit – „Ég var týnd þegar það byrjaði að flosna upp úr sambandinu“