Sjálfsræktin er vöðvi sem mikilvægt er að þjálfa.
Nýliðamóttaka FKA er fyrir nýjar konur, konur sem vilja stimpla sig inn aftur og þær sem vilja taka virkan þátt í starfi félagsins. Húsfylli var hjá Hagvangi þegar fyrsta Nýliðamóttaska FKA á starfsárinu var haldin.
Það er Fræðslunefnd FKA sem hefur það mikilvæga hlutverk að skipuleggja nýliðamóttökur tvisvar á ári. Móttökurnar eru frábært tækifæri til að kynnast FKA, mynda tengslanet og fræðast um þau tækifæri sem félagið hefur upp á að bjóða.
Geirlaug Jóhannsdóttir eigandi Hagvangs tók á móti áttatíu konum en hún á sæti í Fræðslunefnd FKA og með henni eru þær Hafdís Perla Hafsteinsdóttir lögmaður, Steingerður Hreinsdóttir Myndlistaskólanum í Reykjavík, Sigrún Elísabeth Arnardóttir eigandi Tíunnar sálfræðistofu, Anna Bjarney Sigurðardóttir stjórnarkona, Hjördís Dröfn Vilhjálmsdóttir leiðtoga- og teymisþjálfi hjá Taktu flugið og Sara Dögg Davíðsdóttir Baxter eigandi LOGN Bókhald.
„Nýliðakynning FKA – Leið inn í öflugt félagsstarf og tengslanet FKA,“ segir í auglýsingunni og það er rétt. Viðskiptasambönd verða til, neisti kviknar og þú verður mögulega óstöðvandi.
Hjördís Dröfn leiddi tengslaverkefni og Aldís Arna Tryggvadóttir eigandi Heilsuheilla var með erindi sem fjallaði um gidin okkar, áherslur, jafnvægi og elta draumana. „Að hlusta á innri kompás, hjartað og þekkja sig. Andrea Róbertsdóttir framkvæmdastjóri FKA kynnti félagið og Guðrún Gunnarsdóttir hjá Fastus, varaformaður FKA tók fagnandi á móti öflugum konum.
Húsfylli var og óhætt að segja að stemningin hafi verið góð, nýtt starfsár er að hefjast hjá Félagi kvenna í atvinnulífinu, FKA. Við teljum í öflugt starfsár.