Fjölmiðlar vestanhafs greina frá því að Jolie, 49 ára, hafi laumað tónlistarmanninum, 40 ára, upp á hótelherbergi sitt á Corinthia hótelinu í London í síðustu viku.
„Parið var saman á hótelinu bæði miðvikudags- og fimmtudagskvöld,“ sagði heimildarmaður US Sun.
„Akala laumaðist út af hótelinu […] á föstudaginn, nokkrum tímum áður en hún mætti á frumsýningu fyrir nýju kvikmynd hennar, Maria.“
„Þau eru ekki að nota sömu bílana eða sama innganginn til að halda sambandinu leyndu, en þetta er alvöru,“ sagði heimildarmaðurinn.
Parið mætti ekki saman á viðburðinn en mættu samt bæði. Seinna um kvöldið sást til þeirra eiga rómantíska kvöldstund á veitingastaðnum Soho House.
Jolie og Akala eru sögð hafa verið að stinga saman nefjum síðan í maí 2024.
