Breski tónlistarmaðurinn Liam Payne lést í Buenos Aires í Argentínu á miðvikudaginn, aðeins 31 árs að aldri. Hann féll niður af þriðju hæð hótels í borginni.

Aðdáendur hafa verið að rýna í gömul lög og telja margir sig hafa fundið vísbendingu um að Payne hafi lengi vitað að hann myndi ekki lifa lengi.

Sjá einnig: Telja Liam Payne hafa verið nánast eða alveg meðvitundarlaus þegar hann féll

„Ég var alltaf að fara að lifa hratt, deyja ungur“

Aðdáendur um allan heim syrgja söngvarann og hafa sumir bent á að Payne virtist hafa spáð sorglegu endalokum sínum í lagatexta.

Payne var í vinsælu strákasveitinni One Direction. Hljómsveitin hætti árið 2016 og fóru allir meðlimir sína leið. Payne gaf út eina sólóplötu, LP1, árið 2019.

Sjá einnig: Myndir af hótelherbergi Liam Payne veita óhugnanlega innsýn í síðustu augnablik söngvarans

Á plötunni er lagið „Live Forever“ og telja aðdáendur lagatextann vísbendingu um að söngvarinn hafi vitað að hann myndi kveðja þennan heim snemma.

„I was always gonna live fast, die young […]

Burn birght, burn out […]

Reckless, restless, I let it get so hectic. All the way up with my head in the sky, too much, too gone, too many, too fun.“

Hægt er að hlusta á lagið hér að neðan.

Fjölskylda Payne birti yfirlýsingu í gær og bað um andrými:

„Við erum miður okkar. Liam mun ávallt lifa í hjörtum okkar.“

Payne skilur eftir sig sjö ára son, Bear, sem hann átti með bresku söngkonunni Cheryl Tweedy.