Ekki liggur nákvæmlega fyrir hvað gerðist en þó er vitað að Payne hrapaði til bana af svölum hótelherbergis síns í borginni, en herbergið sem um ræðir var á þriðju hæð.
Sjá einnig: Liam Payne látinn
Nú hefur komið í ljós að hann var lengur í Argentínu en hann ætlaði sér upphaflega. Kærasta hans, Kate Cassidy, flaug heim á mánudaginn, tveimur dögum áður en hann lést.
Payne og Cassidy voru saman í tvö ár.
Hún birti myndband frá ferðalaginu á TikTok og sagðist vera „svo tilbúin að fara heim“ eftir að hafa varið tveimur vikum í Argentínu með Payne.
Cassidy sagði að hún og Payne hafi upphaflega bara ætlað að vera þarna í „fimm daga“ en ferðin hafi lengst. Hún sagðist vera spennt að fara heim og sofa í eigin rúmi.
„Ég var bara: Ég þarf að fara heim,“ sagði hún í myndbandinu.
Cassidy greindi ekki frá því af hverju Payne hafi ákveðið að vera lengur.
Sjá einnig: Varpa ljósi á neyðarlínusímtal áður en Liam Payne hrapaði til bana
Samkvæmt TMZ hrapaði Payne til bana af svölum hótelherbergis síns í borginni eftir að hafa hagað sér einkennilega.
@kateecasssoooo happpiii to b back in sunshine state♬ original sound – nicole
