Síðustu skilaboð breska tónlistarmannsins Liam Payne hafa verið í dreifingu um netheima. Hann birti myndband á Snapchat nokkrum klukkutímum áður en hann dó.

Payne, fyrrverandi meðlimur One Direction, lést í Buenos Aires í Argentínu í gær, aðeins 31 árs að aldri.

Ekki liggur nákvæmlega fyrir hvað gerðist en þó er vitað að Payne hrapaði til bana af svölum hótelherbergis síns í borginni, en herbergið sem um ræðir var á þriðju hæð. Hann er sagður hafa hagað sér einkennilega stuttu áður en hann lést, verið æstur og óútreiknanlegur. Starfsmaður á hótelinu hringdi tvö símtöl í neyðarlínuna.

Sjá einnig: Varpa ljósi á neyðarlínusímtal áður en Liam Payne hrapaði til bana

Nokkrum klukkutímum áður hafði Payne birt myndband á Snapchat sem má horfa á hér að neðan.

@dailymail Liam Payne took to Snapchat to show behind the scenes of his Argentinian vacation just hours before his shocking passing. #breakingnews #liampayne #onedirection #1d ♬ original sound – Daily Mail

Þó myndbandið hafi verið birt í gær virðist það hafa verið tekið upp einhverjum dögum áður, þar sem kærasta hans, sem sést í myndbandinu, flaug heim á mánudaginn. Hann lést á miðvikudaginn.

Sjá einnig: Þess vegna flaug kærasta Liam Payne heim nokkrum dögum áður en hann dó