Sjónvarpstöðin TLC framleiðir fjölda áhugaverðra þátta um alls konar fólk. Toddlers and Tiaras fjallar um smábörn sem taka þátt í fegurðarsamkeppnum, Hoarding: Buried Alive fjallar um fólk sem hamstrar svo miklu drasli að það er ólíft heima hjá þeim og svo er það 1000-lb Sisters sem fjallar um tvær systur í mikilli ofþyngd.
Systurnar Amy og Tammy Slaton eru frá Suðurríkjum Bandaríkjunum. Þær voru samtals 1000 pund, eða 450 kíló, þegar fyrsti þátturinn fór í loftið þann 1. janúar 2020. Þær eru kallaðar „450 kílóa systurnar“ eða „1000-lb sisters“ í fjölmiðlum vestanhafs, en standa þó ekki enn undir nafni. Þær hafa báðar lést mikið.
Á meðan Amy gekk vel að léttast átti Tammy erfitt með að þyngjast ekki. Tammy varð þekkt fyrir skapgerð sína og hafa margir aðdáendur gagnrýnt hana í gegnum árin fyrir að vera reiða og afbrýðissama út í systur sína. Hún átti það einnig til að kenna öðrum um þyngdarauknngu sína.
Árið 2022 gekkst Tammy undir offituaðgerð og hefur síðan þá lést mikið.
Í lok sumars fagnaði hún stórum tímamótum, hún hafði þá misst samtals 500 pund eða um 227 kíló.
@tammy.l.slaton♬ original sound – Tammy L Slaton
Tammy birti myndband af sér og sex öðrum konum sem hafa einnig verið í þyngdartapsvegferð og samtals hafa þær misst um 924 kíló. Þær kalla sig „weightloss warriors.“
„Virkilega vel gert og ég er svo hamingjusöm að geta kallað ykkur vinkonur mínar. Ég er svo stolt af ykkur öllum. Þið eruð ekki aðeins fallegar að innan heldur guðdómlegar að utan. Aldrei gleyma því,“ skrifaði hún með myndbandinu af þeim á TikTok.
@transformingteresamarie Weight-loss warriors! @Tammy L Slaton @Tonya💗 @Proffee Queen KT @Larissa @Healthy_food_me_please @Pop Prep & Recovery Systems ♬ original sound – Teresa Parent
Tammy deildi jákvæðum fréttum um þyngdartapsvegferðina í stiklu fyrir næsta þátt af 1000-Lb. Sisters.
People birti myndbandið.
„Ég var 329 kíló þegar ég hafði náð botninum,“ sagði hún.
Í þættinum fór hún til Dr. Eric Smith. „Ég hitti hann síðast fyrir níu mánuðum og þá var ég um 190 kíló. Hann sagði að ég þurfti að missa 45 kíló fyrir næsta tíma með honum. Ég er mjög stressuð.“
Tammy steig á vigtina og var 139 kíló, læknirinn sagði það „ótrúlegt.“
„Ég náði markmiði Dr. Smith, mínu markmiði, öllum markmiðunum,“ sagði hún glöð í bragði. „Ég er tilbúin að láta fjarlægja auka húð!“
Það eru komnir nokkrir mánuðir síðan þættirnir voru teknir upp. Hún hefur síðan þá lést meira eins og hún greindi frá á TikTok í lok sumars.
