Poppsöngkonan Britney Spears hefur enn og aftur náð að hneyksla fólk með myndbandi. Að þessu sinni má sjá hana „twerka“ á fjórum fótum á ströndinni.
Það er sjaldan lognmolla í kringum söngkonuna þessi misserin og hafa margir haft áhyggjur af geðheilsu hennar. Hún var lengi sjálfræðissvipt og faðir hennar fór með forsjá hennar. Þá fékk Britney nýlega þau gleðitíðindi að tveir unglingssynir hennar hefðu áhuga á að bæta samskiptin við hana.
Britney, sem er 42 ára, hefur margsinnis á undanförnum árum birt af sér myndir og myndbönd þar sem hún sést léttklædd, nú eða bara ekki klædd. Þetta nýjasta myndband, sem hún birti á samfélagsmiðlum, er engin undantekning og hafa hreyfingarnar hneykslað suma.
View this post on Instagram
Á myndbandinu má sjá söngkonuna strjúka sér um barminn og einkastaðina á hnjánum. Einnig skaka sér á fjórum fótum í svokölluðum „twerk“ dansi.
Færslan hefur farið um netið eins og eldur í sinu. Aðdáendur gátu hins vegar ekki brugðist við henni með ummælum því söngkonan hafði lokað fyrir þær, en Britney er með tæplega 42 milljónir fylgjenda á samfélagsmiðlum.
