Sérfræðingar telja að hjónaband hertogahjónanna Harry og Meghan standi nú á brauðfótunum. Þau stefni hratt í átt að skilnaði og harðri forsjárdeilu vegna barna sinna tveggja.

Heimildarmaður sem mun þekkja til hjónanna deildi þessu með RadarOnline og sagði þau ekki hamingjusöm þessa daganna. Sérstaklega mun Harry vera ósáttur og við það að fá nóg af konu sinni.

„Hún er ekki að uppfylla þau loforð sem hún gaf honum og vinsældir þeirra hafa aldrei verið minni í Bretlandi sem og í Bandaríkjunum“

Fréttamaðurinn Nana Akua hjá GB News deildi svipuðum hugleiðingum. Hjónin hafi hreinlega vaxið í stundur þar sem áherslur þeirra fara nú illa saman.

„Meghan ætlar sér að verða alþjóðleg stórstjarna og ég sé hana ekki fyrir mér snúa aftur til föðurlands Harry, sem hún hatar, sjálfviljug.“

New York Post segir að Harry sé verulega óánægður með óvinsældir sínar. Hann sé að missa fræga vini og allar tilraunir hans til að bæta ímynd sína hafi farið út um þúfur. Hann sé þó enn að reyna og hafi undanfarið mætt á marga viðburði bæði í Bandaríkjunum og í Bretlandi, þá alltaf án eiginkonu sinnar.

Mögulega trúi prinsinn að hann eigi enga von á að endurheimta gott mannorð með Meghan sér við hlið. Hann sé því að nýta tímann núna til að fá smá rými frá henni og velta fyrir sér hvernig framtíð hans lítur út, og hvort Meghan sé þar með honum eða ekki.

Margir ráku eins upp stór augu þegar Harry fagnaði 40 ára afmæli sínu og hvergi sást til Meghan. Þær skýringar hafa þó verið gefnar að Meghan hafi skipulagt fögnuðinn fyrir mann sinn og svo setið heima með börn þeirra, því þau eru of ung til að vera skilin eftir ein. Þær skýringar þótti þó ósannfærandi í ljósi þess að hjónin eru með heilt starfslið á sínum snærum og þar með talið nokkra aðila sem sérstaklega eru ráðnir til að aðstoða þau með börnin.