Ólafur er búsettur í Noregi og nýtur mikilla vinsælda á samfélagsmiðlum, þar sem hann kallar sig „That Nordic Guy.“ Hann er með yfir 156 þúsund fylgjendur á Instagram, 143 þúsund áskrifendur á YouTube og 82 þúsund fylgjendur á TikTok.
@olafurw Icelandic Harbor Story #nordic #iceland #icelandic #harbour #storytime ♬ original sound – Ólafur Waage
Ólafur sagði sögu frá því að hann var unglingur, eða „ungur og heimskur“ eins og hann orðaði það, og var fenginn til að mála gula línu á bryggjunni í heimabænum sínum. Hann rakst í málningarfötuna, sem hann hafði sett á rafmagnskassann fyrir aftan sig, og fór gul málning á kassann. Hann hafi því ákveðið að mála hann gulan, en það hefur aldrei verið hefð fyrir því á íslenskum bryggjum. En það varð að hefð á þessari bryggju en kassinn er enn málaður gulur í dag.
„Það er ekki venja að gera þetta en þetta er enn gert, meira en 25 árum seinna. Það er liðinn svo langur tími að þau vita örugglega ekki af hverju þau mála kassann gulan, þetta er bara eitthvað sem þau gera.“
Það er óhætt að segja að sagan sló í gegn hjá netverjum en myndbandið hefur fengið yfir 7,3 milljónir áhorfa á Instagram og yfir 2 milljónir á TikTok. Samtals hafa um 720 þúsund manns líkað við það.
