Hún birti tvær myndir af sér hlið við hlið á Instagram og skrifaði með: „Getið þið trúað því að ég er jafn þung á báðum myndum?“
Kristbjörg segir að henni þyki mikilvægt að taka það fram að hún hafi verið á allt öðruvísi stað í lífinu þegar þessar myndir voru teknar.
„Á vinstri myndinni var ég að jafna mig eftir fæðingu, myndin var tekin um sjö mánuðum eftir að ég átti þriðja son minn. Myndin til hægri var tekin í apríl 2024. Ég var 65 kíló á báðum myndunum.“
Prófaðu að endurhlaða síðuna ef þú sérð ekki færsluna hér fyrir neðan.
View this post on Instagram
Kristbjörg segir að hún hafi einu sinni verið mjög viðkvæm varðandi þyngd sína. „Sérstaklega þegar ég var að keppa í fitness, en sem betur fer komst ég yfir hræðsluna við töluna á vigtinni,“ segir hún.
„Ég heyri fólk, sérstaklega konur, oft tala um að léttast í stað þess að einblína að verða „sterkari.“ Sumarið er búið og allir eru að byrja aftur í rútínu og leita að næsta tilefni eða ástæðu til að léttast. Þannig, ég vildi minna ykkur á að vera ekki heltekin af tölunni á vigtinni.“
Kristbjörg segir að vissulega geti vigtin stundum hjálpað fólki að fylgjast með árangri en oft ekki.
„Það sem ég meina er að það er ekki alltaf neikvætt að þyngjast,“ segir hún.
