Þau voru gift í fimm ár, þar til hann lést 91 árs að aldri árið 2017.
Playboy-höllin hefur verið töluvert á milli tannana á fólki, sérstaklega eftir andlát Hugh. Þá hafa fyrrverandi kærustur hans og hinar svokölluðu „Playboy-kanínur“ stigið fram og afhjúpað dökku hliðar menningarinnar sem þreifst þar.
Crystal bættist í hóp þeirra í desember 2021 og líkti Playboy-höllinni við fangelsi, en segir að á sama tíma hefði höllin verið griðastaður hennar. Hún gaf út sjálfsævisögu fyrr á árinu, Only Say Good Things.
„[Hefner] beitti mig tilfinningalegu ofbeldi. Það var mjög takmarkað hvað ég fékk að gera. Ég áttaði mig ekki á því hversu slæmt þetta var fyrr en ég komst í burtu,“ sagði hún við E! News í janúar.
„Með James er hlustað á tilfinningar mínar. Mér líður eins og hann sjái mig og hlusti á mig,“ sagði Crystal í samtali við People.
Prófaðu að endurhlaða síðuna ef þú sérð ekki færsluna hér að neðan.
View this post on Instagram
Hún segir samband hennar og James gjörólíkt sambandi hennar og Hugh Hefner.
„Ég er núna að hugsa um mig, ævintýraþránna, innra barnið. Mér líður eins og ég sé manneskjan sem ég þurfti á að halda þegar ég var yngri. Mér líður eins og ég sé vel metin og er meira ég sjálf heldur en nokkurn tíma áður.“
Crystal og James byrjuðu að hittast í apríl síðastliðnum. Us Weekly greinir frá.