Kaffi-stólpípa (e. coffee enema) er eitt af því sem hefur verið að færast í aukana undanfarið. Sumir lofa heilsueflandi áhrif þess í myndböndum á TikTok og ganga svo langt að segja að þetta bæti meltingu, hreinsi lifrina og eiturefni úr líkamanum og meira að segja bæti andlega heilsu.
Það eru engin vísindaleg sönnunargögn sem staðfesta þessar fullyrðingar.
Læknirinn Dr. Idz vakti athygli á þessu á TikTok, þar sem hann er með tæplega tvær milljónir fylgjenda.
@dr_idz @Happy Bum Co ❗️DO A COFFEE ENEMA TODAY!! 😱❌💩 #weightloss #fatloss #nutrition #fitness ♬ original sound – Dr Idz (MBBS, MRes, Dip IBLM)
„Plís, ekki setja kaffi beint inn í rassinn,“ segir hann.
Hann segir að vissulega geti þetta hjálpað fólki að losa um hægðir, þar sem kaffi er örvandi. En það séu til betri og hættuminni lausnir.
„Það eru engin gögn sem gefa til kynna að þetta sé góð eða langtíma lausn. Það eru reyndar til gögn um tilvik [þar sem fólk hefur orðið mjög veikt eða dáið].
Tvær konur, 46 ára og 37 ára, dóu eftir að hafa framkvæmt kaffi-stólpípur á sér.
„Þær köstuðu upp, fengu svima og flog og hjartaáfall. Þetta gerðist því kaffið orsakaði saltþurrð og ofhleðslu vökva,“ segir hann.
Rannsóknin komst að því að það er algengt að fólk fái ristilbólgu í kjölfar kaffi-stólpípu, hins vegar fundust engin gögn sem sýndu fram á ávinning þess að sprauta kaffi inn í endaþarminn.
„Ef lífsstílsfyrirtæki eru að nota tískuorð eins og „detox fyrir lifrina“ til að fá þig til að kaupa eitthvað, ekki staldra við og skrollaðu áfram,“ segir hann.
Þegar kemur að því að bæta meltinguna segir Dr. Idz skipta mestu máli að drekka nóg vatn, borða nóg af trefjum og hreyfing.
„Og ræddu við lækninn þinn ef þú þarft frekari aðstoð,“ segir hann.
Árið 2013 vakti Trina og eiginmaður hennar Mike mikla athygli. Þau komu fram í þættinum My Strange Addiction á sjónvarpsstöðinni TLC og sögðust bæði vera háð kaffi-stólpípum. Ekki er vitað um heilsu þeirra í dag.