Allen, sem er 88 ára gamall, hefur verið mjög umdeildur í gegnum árin. Árið 1992 komst upp að hann hefði átt í ástarsambandi við dóttur Miu Farrow, Soon-Yi Previn. 35 ára aldursmunur var á þeim en þau giftu sig árið 1997.
Árið 1992 var Allen einnig sakaður um að hafa misnotað Dylan Farrow, sjö ára dóttur Miu Farrow. Ári seinna var Allen fundinn saklaus fyrir rétti af því að hafa misnotað Dylan en Mia Farrow fékk engu að síður forsjá yfir börnum þeirra þremur.
Farrow og Allen voru saman frá 1980 til 1992. Soon-Yi var tíu ára þegar Allen gekk henni í föðurstað.
Farrow sagðist skilja þá leikara sem vilja vinna með Allen í viðtali hjá CBS News Sunday Morning.
Hún sagðist geta aðskilið starf sitt sem leikkonu þar sem hún vann með Allen og erfiðleikunum sem hún þurfti að ganga í gegnum vegna Allen. Farrow lék í þrettán myndum sem Allen leikstýrði.
„Og ég skil fullkomlega ef leikari ákveður að vinna með honum. Ég er ekki einhver sem segir: „Þau ættu ekki að gera það.““
Mia Farrow opnaði sig einnig um hjónaband hennar og Frank Sinatra. Þau giftust árið 1966 og skildu tveimur árum síðar. Hún var 21 árs og hann 50 ára þegar þau gengu í það heilaga.
„Hann var skapvondur en innst inni var hann hjartagóður, feiminn og til staðar. Við vorum vinir þar til hann dó.“
