Viðskiptablaðið greinir frá því að árið 2023 hafi verið besta rekstrarár kynlífstækjaverslunarinnar til þessa.
Verslunin velti tæplega 700 miljónum króna og hagnaður var 117 milljónir.
Liðin eru þrettán ár síðan Gerður stofnaði Blush. Það eru tvær verslanir, ein á Dalvegi í Kópavogi og svo opnaði verslun á Akureyri í vor. Gerður segir að 65 prósent af veltunni fari í gegnum búðirnar og rest í netverslun.
„Maður veit einhvern veginn aldrei við hverju maður á að búast þegar maður fer í svona ævintýri og hugsar bara að það versta sem gerist er að þetta klikkar. En það er ekki víst að það klikki og eins og staðan er núna erum við ótrúlega sátt með þetta allt saman,“ sagði Gerður við Viðskiptablaðið.
Ekki nóg með að vera eigandi og framkvæmdastjóri Blush þá hannar Gerður einnig eigin kynlífstæki undir merkinu Reset, sem eru nú vinsælasta vörulínan í versluninni.
