Margir myndu því halda að verðbólgan væri að hafa neikvæð áhrif á kynlífsiðnaðinn og þá sérstaklega kaup á vændi, en það er þveröfugt að sögn vændiskonunnar Katiju Cortez. News.com.au greinir frá.
Cortez er 28 ára fylgdarkona, fyrirsæta, klámstjarna og hlaðvarpsstjórnandi. Hún var valin besta fylgdarkona Ástralíu árið 2024 á AAIA verðlaunahátíðinni.
Hún segir að viðskiptavinir hennar segi að það sé ódýrara að kaupa vændi heldur en að stunda hefðbundna stefnumótamenningu.
„Þeir segja að heildarkostnaðurinn við að deita sé orðinn ansi mikill, að fara út að borða nokkrum sinnum, kaupa gjafir og svo fer líka mikill tími í þetta,“ segir hún.
„En þegar þú hittir vændiskonu, þá hittirðu hana eins sjaldan eða eins oft og þú vilt og hentar þér. Ég efast um að margar konur væru til í að hitta karlmann sem þær eru að deita bara einn klukkutíma í viku.“
Cortez segir að allir viðskiptavinir hennar hugsa á þennan hátt, að það sé ódýrara að hitta hana einu sinni í viku og geta þar með unnið meira, heldur en að fara á hefðbundin stefnumót.
„Viðskiptavinir mínir eru forstjórar, frumkvöðlar, lögfræðingar, læknar og fjármálastjórar. Þeir hafa ekki tíma fyrir annað en að hitta mig,“ segir hún.
Cortez segist telja þetta tengjast efnahagsástandinu og segir að vegna verðbólgunnar vilji margir karlmenn frekar hitta vændiskonu en að leggja á sig vinnuna að fara á stefnumót og eignast maka.
„Fólk er bara of upptekið að vinna, of upptekið að afla sér tekna,“ segir hún.