Brot úr þættinum má horfa á hér að neðan en smelltu hér til að horfa á þáttinn í heild sinni eða hér til að hlusta á Spotify.
Þátturinn var tekinn upp í júní 2024, á þeim tíma var Vala einhleyp og svör hennar í samræmi við það. Í sumar kynntist hún síðan draumaprinsinum, Brynjólfi Gunnarssyni, og byrjuðu þau saman fyrr í ágúst.
„Ég er kominn á þennan stað í lífinu að ég er að deita til að giftast. Ég er alveg með lista hérna, ef einhver gæi reynir að tala við mig, bara hvað viltu? Ég kem mér beint að efninu,“ segir Vala í Fókus.
Vala hvetur þær konur sem sækjast í skuldbindingu og langtímasambönd að búa til lista. „Vertu alveg hörð á því,“ segir hún.
Aðspurð hvað sé á hennar lista, hvaða eiginleika karlmaður þarf að hafa til að vera með henni segir hún:
„Húmor klárlega, klárlega duglegur í ræktinni og að stundar vinnuna vel,“ segir Vala.
„Ef ég á að vera hreinskilin þá er það bara þetta, og heiðarlegur gæi. Ef eitthvað bjátar á þá er hann til staðar.“
Vala hefur verið opin með kynleiðréttingarferli sitt í næstum einn og hálfan áratug. Hún segir það ekki hafa haft áhrif á stefnumótalíf hennar því hún kemur alltaf til dyranna eins og hún er klædd.
„Ég mun alltaf segja við hvern sem er: Hæ, ég er trans. Ef það er off, þá bæ, þá ertu ekki fyrir mig. Ef þú ert feiminn gæi og ert að spá hvað annað fólk er að hugsa þá ertu ekki heldur fyrir mig. Ég þarf ekki einhvern svona veikgeðja. Ég þarf góðan mann sem er alveg sama og er bara að lifa sínu lífi, þannig gæjum enda ég alltaf með.“
Vala ræðir nánar um föðurmissinn, lífið og margt fleira í þættinum sem má horfa á hér eða hlusta á Spotify.
Fylgstu með Völu Grand á Instagram.
