Ingi Bauer er nú á ferðinni hringinn í kringum Ísland í stærsta eltingaleik sögunnar!
Í myndbandi á TikTok sagði hann fylgjendum sínum, sem eru um 10 þúsund, frá því að hann ætlaði að fara hringinn í kringum Ísland og sá einstaklingur sem myndi ná að „klukka“ hann myndi fá 100.000 krónur í verðlaun. Viðkomandi þarf þá að passa upp á að fylgja bæði Inga og VÆB á TikTok.
@ingibauer Hringferðin Mikla 2024 er farin af stað shiii #islenskt ♬ original sound – Ingi Bauer
Ingi fór hringinn í kringum Ísland í fyrra, en þá var áskorunin sú að hann var ekki með bíl eða far, enga gistingu og engan mat og þurfti að reiða sig á utanaðkomandi aðstoð.
Að eigin sögn mun Ingi fara í dulargervi og setja á sig hárkollur til þess að fela sig fyrir fólki á þessu ferðalagi. Það verður fróðlegt að sjá hvort og hvenær einhver af fylgjendum Inga muni ná að klukka hann og fá 100.000 krónur í verðlaun. Með honum í för er Hálfdán Helgi, einn af meðlimum hljómsveitarinnar VÆB.
Hægt er að fylgjast með ferðalaginu á TikTok.
@ingibauer Alvöru skellur í dag 🥴😫@Væb ♬ original sound – Ingi Bauer