Vinkonurnar Blake Lively og Gigi Hadid tóku búningaþemað alla leið og mættu búningaklæddar í þema Deadpool & Wolverine á frumsýningu myndarinnar í New York á mánudag.
Lively var í rauðum heilgalla með svörtum blúnduskreytingum frá Atelier Versace, en eins og aðdáendur vita þá klæðist aðalpersónan rauðum heilgalla. Eiginmaður Lively, Ryan Reynolds, bregður sér nú í gallann í fjórða sinn.
Hælar, eyrnalokkar og svört taska, sem líkist kúlu í keðju, toppaði svo útlitið.
Hadid heiðraði hina aðalpersónuna, Wolverine, sem leikinn er af Hugh Jackman. Hún klæddist gulum topp og pilsi frá Miu Miu. Fylgihlutir voru armbönd frá Alexis Bittar, gyllt hálsmen, svartir hælar og gul handtaska með Deadpool skrauti.
Aðalleikarnir Reynolds og Jackman mættu hins vegar búningalausir og klæddust þess í stað klassískum svörtum jakkafötum.
Lively hefur stutt mann sinn í kynningarherferð fyrir myndina, en fyrr í mánuðinum birti hún myndband þar sem Reynolds heldur á Dogpool, hvolpinum úr myndinni, þegar hann var að kynna myndina í London. Sagði hún eiginmanninn vera að „að reyna að gera hana ófríska aftur“ með myndbandinu. Hjónin eiga dæturnar James, níu ára, Inez, sjö ára, og Betty, fjögurra ára, og fjórða barnið, hjónin hafa enn ekki gefið upplýsingar um kyn þess. Reynolds opinberaði hins vegar nafn barnsins á frumsýningu myndarinnar í New York á mánudag, en yngsta barnið heitir Olin.
View this post on Instagram
Reynolds sagði í viðtali við E! nýlega að hann væri alveg til í fleiri börn. „Eins mikið af litlum fótum og hægt er, að hlaupa um, rústa dóti í húsinu. Ég elska það. Eignumst fleiri!“
Deadpool & Wolverine verður frumsýnd hérlendis á morgun.