Eitt þúsund gjafabréf sem flugliðar flugfélagsins PLAY gáfu gangandi vegfarendum fyrir framan Kjarvalsstaði runnu út eins og heitar lummur og kláruðust fljótt. Hvert gjafabréf var andvirði tíu þúsund króna sem hægt er að nota upp í flug til allra áfangastaða félagsins, hvenær sem er. Gjafabréfin eru þó aðeins gild í eina viku frá deginum í dag og eru hluti af markaðsherferð félagsins sem kallast „Ferðagjöf PLAY“. Úthlutuninin hófst klukkan tíu og kláruðust bréfin á tæpum 90 mínútum.

Þeir sem komust ekki á Klambratún fá þó einnig ferðagjöf í formi afsláttar en öllum stendur nú til boða 20% afsláttur af öllu flugi til allra áfangastaða PLAY frá júlí til september. Fólk ætti því loksins að geta fundið sér sumar á frábæru verði áður en yfir lýkur.

„Veðrið á höfuðborgarsvæðinu hefur verið fremur dapurt að undanförnu og við hjá PLAY ákváðum að gleðja Íslendinga með þessari ferðagjöf og veita þeim inneign til sólina, því við eigum öll skilið aðeins meira sumar. Ég heyri víða að veðrið fer mjög í taugarnar á fólki þessa dagana og ég er sannfærð um að þessi þúsund gjafabréf verði fljót að hverfa. Þeir sem vilja gjafabréf ættu því að drífa sig niður á Klambratún núna,“ segir Nadine Guðrún Yaghi, samskiptastjóri PLAY.