Systurnar Eva Ruza og Tinna Miljevic sýndu í gær afrakstur áskorunar sem Eva fékk senda fyrir nokkrum mánuðum og verður að segjast að hún hafi heppnast einstaklega vel. Systurnar saumuðu kjól og tösku úr snakkpokum og fengu Maarud og Red Bull með sér í lið.
,,Fyrir nokkrum mánuðum síðan fékk ég senda til mín mynd frá fylgjanda hér á gramminu, þar sem viðkomandi skoraði á okkur systur að gera sambærilegan kjól úr snakkpokum. Ég henti hugmyndinni yfir á Tinnu, því án hennar verður ekki nema 50% að veruleika, og svo hlupum við af stað. Maarud hoppaði lóðbeint á vagninn ásamt Red Bull á Íslandi og í sameiningu færum við ykkur litríkasta snakkkjól landsins og ferskasta orkudrykkinn,“ segir Eva.
Áskorunin og útkoman hjá þeim systrum.
View this post on Instagram
,,Ekki hika við að senda okkur hugmyndir. Þær geta orðið að veruleika.“
Í myndbandi sem systurnar birta má sjá Evu Ruzu brasa við að undirbúa sig fyrir ,,útilegu“ í garðinum heima hjá sér íklædd kjólnum. ,,Ég er ekki útilegutýpan en ég er til í að sýna ykkur hvernig þið farið í útilegu,“ segir Eva sem segist sjálf ekki fara í útilegur.
,,Ég er búin að vera fött svo lengi að fara í kjólinn, maður er alveg kominn með bakverk yfir þessu,“ segir hún og endar með að Tinna stillir settinu upp. ,,Mér líður eins og ég sé ólétt af tvíburunum aftur.“
View this post on Instagram
Hér má svo sjá hvernig kjóllinn varð til.
View this post on Instagram