Knattspyrnumaðurinn Albert Guðmundsson og barnsmóðir hans, Guðlaug Elísa Jóhannsdóttir, eru hætt saman eftir níu ára samband. Vísir greinir frá.
Saman eiga þau tvö börn en fjölskyldan hefur búið saman erlendis um árabil, í Hollandi og á Ítalíu, þar sem Albert hefur sinnt ferli sínum sem atvinnumaður í knattspyrnu. Fyrst hjá Heerenveen, PSV og AZ Alkmaar í Hollandi og frá árinu 2021 í Genoa á Ítalíu.
Fyrr í sumar var greint frá því að Albert hefði verið ákærður fyrir að brjóta kynferðislega á konu og var mál gegn honum þingfest á dögunum. Er hann sakaður um að hafa haft önnur kynferðismök en samræði við konu án hennar samþykkis sem og beitt hana nauðung.
Búast má við að málið gegn Alberti verði tekið fyrir í haust.