Hollywood-stjarnan Matthew McConaughey varð fyrir því óhappi að verða stunginn af býflugu á dögunum. Kyntáknið heimsfræga birti neðangreinda mynd af sér á Instagram-síðu sinni eftir óhappið og sagði einfaldlega: „Býflugnabólga“. Þrátt fyrir að flugan virðist hafa stungið leikarann á fremur óheppilegan stað var hann skælbrosandi á myndinni en aðdáendum hans var engu að síður talsvert brugðið.
Óhappið ætti þó ekki að hafa mikil áhrif á verkefni leikarans en tökum er lokið á tveimur kvikmyndum með honum í aðalhlutverki. Annars vegar er það myndinThe Lost Bus sem fjallar um hvað fór úrskeiðis þegar skógareldar geysuðu í Kaliforníufylki árið 2018 en um var að ræða einar mannskæðustu hamfarir í nútímasögu Bandaríkjanna. Þá er einnig von á myndinni The Rivals of Amziah King en söguþráður hennar hefur ekki verið gefin upp.
