Búlgaríska prinsessan Kalina hefur vakið athygli fyrir að vera í hörkuformi. Nýlega náðust myndir af henni á röltinu með eiginmanni sínum, Antonio José Muñoz og sást þá skýrt hvað prinsessan er vöðvastælt.
Kalina hefur verið dugleg í ræktinni síðustu ár og má sjá árangurinn sérstaklega vel á handleggjum hennar sem hafa aldrei verið jafn massaðir. Prinsessan er á sextugsaldri en hún er fimmta barn og eina dóttir Simeon II sem var seinasti keisari Búlgaríu.
Nef prinsessunnar vakti einnig athygli. Því hefur verið haldið fram í gegnum árin að Kalina hafi gengist undir hnífinn en eiginmaður hennar segir það af og frá. Hún hafi þó glímt við heilsubrest sem megi rekja til tannlækninga. Átta ára gömul lenti hún í slysi þar sem framtennur hennar brotnuðu. Hún fór til tannlæknis til að fá tannplanta en tannlæknirinn hafi borað of djúpt fyrir festingunum. Prinsessan fékk í kjölfarið sýkingu og þurfti í kjölfarið að gangast undir aðgerð sem hafði í för með sér útlitsbreytingu.
Muñoz hvatti fólk til að dást fremur að konu hans fyrir að huga vel að heilsunni en hún sé dugleg að hreyfa sig og sé í besta formi lífs síns þökk sé heilbrigðu mataræði, hreyfingu og góðri næringu.
Netverjar gerðu einmitt það og áttu varla orð yfir þessari mössuðu prinsessu.
„Þetta er klárlega ekki sama manneskjan“
„Þetta getur ekki verið raunverulegt“
„Prinsessan af Bulk-aríu“
„Þetta er í hreinskilni hvernig ég sé fólk frá Búlgaríu fyrir mér“
Princess Kalina of Bulgaria….. pic.twitter.com/v6bPV6CyxA
— Isaac’s Army (@ReturnOfKappy) June 15, 2024
