Hjónin María Gomez matargyðja og lífsstílsbloggari og Ragnar Már Reynisson hafa sett raðhús sitt við Ásbúð í Garðabæ á sölu.
María heldur úti blogginu paz.is þar sem hún deilir uppskriftum og ráðum um allt sem viðkemur heimilinu.
Fasteignin er 246,4 fm á tveimur hæðum, þar af sérstæður 41,4 fm bílskúr. Húsið er byggt árið 1979 og ásett verð er 163,7 milljónir króna.
Húsið hefur verið mikið endurnýjað síðustu ár. Eignin skiptist í forstofu, gestasnyrtingu, eldhús, og stofu þar sem útgengt er á svalir, á efri hæð.Steyptur teppalagður stigi er niður á neðri hæð sem skiptist í sjónvarpsrými, hjónaherbergi þar sem útgengt er á hellulagða verönd í grónum sér garði hússins, þrjú barnaherbergi, fataherbergi er á svefnherbergisgangi og baðherbergi.
Bílskúr hefur verið breytt í stórt herbergi og geymslu en einfalt er að breyta skipulagi hans aftur í hefðbundinn bílskúr.
Nánari upplýsingar um eignina má finna hér.