Parið hefur haldið sig til hlés frá sviðsljósinu undanfarna mánuði, sérstaklega Kleini sem hefur verið í pásu frá samfélagsmiðlum síðan í lok júlí í fyrra. Í þættinum ræða þau hvað þau hafa verið að bralla undanfarna mánuði, hvað sé fram undan og margt fleira. Þú getur horft á brot úr þættinum hér að neðan en smelltu hér til að horfa á hann í heild sinni. Þú getur einnig hlustað á Spotify, Apple Podcasts eða Google Podcasts.
Samfélagsmiðlapásan hefur haft mjög jákvæð áhrif á líðan þeirra. Kleini segir áreitið ekki hafa truflað sig en að hann hafi haft meiri tíma til að huga að andlegri heilsu í pásunni. Tíminn sem fór áður í endalaust skroll á samfélagsmiðlum hafi farið í eitthvað uppbyggilegt og jákvætt.
„Varðandi andlega heilsu, maður náði að sinna henni miklu betur. Eftir að við hættum fórum við að gera miklu meira saman. Fórum að gera allt sem við vorum búin að tala um að ætla að gera, það var eins og við værum að byrja saman aftur í rauninni,“ segir hann og tekur Hafdís undir.
„Mér finnst þetta búið að gera okkur ótrúlega gott. Maður er miklu meira viðstaddur, bara í öllu. Úti að borða með stelpunum, deitkvöld hjá okkur, heima með börnin. Maður er miklu meira á staðnum og nýtur augnabliksins betur,“ segir hún. „Ég persónulega myndi vilja vera án síma allan daginn.“
Þau viðurkenna að það sé smá þvingun að byrja aftur á samfélagsmiðlum en þau séu aðeins að gera það því þeir eru gott markaðstól fyrir fyrirtæki þeirra.
„Þetta verður aldrei eins, það verða alveg reglur,“ segir Hafdís.
Kleini segir að hann ætli að hætta að fylgja öllum síðum og reikningum sem eiga það til að festa hann við skjáinn.
„Ég ætla bara að setja það sem ég þarf að setja þarna inn en ekkert skoða neitt. Ég þarf ekki að sjá neitt hjá neinum öðrum,“ segir hann.
Þau ræða þetta nánar í spilaranum hér að ofan. Brotið er hluti af nýjasta þætti af Fókus sem má horfa á hér eða hlusta á Spotify.
Fylgstu með Kleina hér og Hafdísi hér á Instagram. Þau eru einnig á TikTok
