Hugh Hefner var stofnandi, útgefandi og aðalritstjóri Playboy-tímaritsins. Hann lést 91 árs að aldri árið 2017 og skildi eftir sig eiginkonu og fjögur börn.
Eftir að hann lést erfði Crystal andvirði 915 milljónir króna og 654 milljóna króna hús, sem hún síðar seldi. Restin að auðæfum hans fór til barnanna hans og ýmsa góðgerðamála og samtaka.
Playboy-höllin hefur verið töluvert á milli tannana á fólki, sérstaklega eftir andlát Hugh. Þá hafa fyrrverandi kærustur hans og hinar svokölluðu „Playboy-kanínur“ stigið fram og afhjúpað dökku hliðar menningarinnar sem þreifst þar. Crystal er meðal þeirra sem hefur talað opinskátt um hryllinginn sem átti sér stað þar.
Sjá einnig: Segist hafa tekið „hættulega ákvörðun“ þegar hún kom inn í Playboy-veröld Hugh Hefner
Crystal giftist Hugh Hefner árið 2012, þegar hún var 26 ára og hann var 86 ára.
Í viðtali við News.com.au, til að auglýsa bókina, segir Crystal að stofnandi Playboy hafi verið frekar lélegur í rúminu.
„Honum var alveg sama um hvað konum fannst gott eða langaði, eða hvernig fullnægja ætti konu,“ segir hún.
Crystal segir að Hefner hafi verið með mjög sérstaka og ákveðna rútínu þegar kom að kynlífinu og oft komu margar konur við sögu.
„Við fórum í silkináttfötin hans og síðan fórum við stelpurnar bara inn í herbergið og hann setti klám í sjónvarpið. Alltaf sama klámið og sama tónlistin og síðan skiptust stelpurnar á að sofa hjá Hef. Hann virtist ekkert vera mjög mikið á staðnum, þannig lagað, í þennan heila áratug sem ég þekkti hann. Það var skrýtið,“ segir hún.
Crystal heldur því fram að Hefner hafi tekið upp, án vitneskju annarra, kynsvall í svefnherberginu hans. Hún segir að margir þekktir og frægir einstaklingar hafi tekið þátt í þessum orgíum.
Hún hefur þó alla tíð neitað að afhjúpa nöfn þeirra. „Þau eru fórnarlömb Playboy-hallarinnar. Ég vorkenni þeim,“ segir hún.
