Tónlistarmaðurinn Patrik Snær Atlason, betur þekktur sem Prettyboitjokko, hefur sætt harðri gagnrýni eftir að hann birti myndband af sér og tígrisdýri á samfélagsmiðlum.
Hann er sakaður um dýraníð en virðist ekki kippa sér of mikið upp við það þar sem myndbandið er enn á Instagram-síðu hans. Hins vegar hefur hann eytt því út af TikTok.
Patrik var staddur í Dúbaí í síðustu viku til að taka upp tónlistarmyndband. Fyrir atriði í myndbandinu hélt Patrik í ólina á tígrisdýri sem virtist síðan ætla að veita sér að honum og þá hljóp Patrik í burtu.
Sjáðu myndbandið hér að neðan, prófaðu að endurhlaða síðuna ef þú sérð það ekki.
View this post on Instagram
Myndbandið var birt fyrir fimm dögum og voru fyrstu viðbrögð fylgjenda hans fremur jákvæð. Síðan virðist myndbandið hafa vakið athygli fleiri en aðdáenda hans.
„Þetta er fokking ógeðslegt. Þetta er villt dýr. Það á ekki heima í ól og eru ekki þér til skemmtunar,“ skrifaði einn netverji við færslu Patriks.
„Hvað í fjandanum er að ykkur? Leyfið villtum dýrum að vera frjáls. Farðu og kauptu þér annað Rólex til að rúnka þér yfir, ekki þetta fallega tígrisdýr,“ sagði annar.
